Победете го стресот за време на испитната сесија

Се приближува времето за испити, а ти размислуваш за тоа, се потиш и се нервираш. Едвај чекаш да заврши сè за да можеш да се опуштиш и мирно да спиеш. Испитната сесија не мора да биде толку стресна. Стресна е затоа што ти така ја доживуваш.

За да го победиш стресот, мораш да учиш навреме и од почеток. Тоа значи – од кога ќе започне годината па сè до последниот ден. Така ќе го поделиш материјалот по целини и ќе ти биде полесно за понатаму.

Кога ќе дојде тој прочуен рок, избери ги предметите кои ти се потешки и нив полагај ги први. Подоцна остави ги оние во кои си подобар. Посвети им се на тие потешките предмети и оди полека. Треба прво да ја „појадеш најголемата жаба“, односно кога ќе го совладаш најтешкиот дел, останатото ќе оди полесно и ќе бидеш опуштен.

Пред самиот почеток на испитната сесија, прашај ги професорите да ти објаснат нешто, да ти покажат и на тој начин да ти помогнат. Разговарај со колегите за нивното мислење, совети и како тие се подготвуваат.

Води белешки и секојдневно читај ги и потсетувај се што сте зборувале на предавањата. Тоа ќе ти го задржи фокусот и ќе ја подобри меморијата. Тоа значи дека побрзо ќе памтиш и ќе си олесниш понатаму.

Обиди се да не размислуваш премногу за испитот, слушај музика додека правиш паузи и спиј нормално. Никогаш не учи само два-три дена пред испит. Ќе ти биде тешко и стресот ќе биде поголем. Наместо тоа, подготви се порано, така ќе имаш повеќе време и ќе се чувствуваш послободно.

Сега веројатно мислиш: „Лесно е за тебе, седиш пред компјутер и ни го пишуваш ова.“ И јас сум поминал низ ова, сите студенти го поминале и знам какво е чувството. Пред да го напишам овој блог, се распрашував кај други студенти и дојдов до заклучок – ако го знаев ова порано, никогаш немаше да имам проблем со испитите и стресот.

Испитната сесија воопшто не е страшна… Стресот е твојот најголем непријател и само ти можеш да го победиш.

Два до три дена пред испит мораш да знаеш сè за тој предмет што го полагаш. Сè до испитот вежбај и прави симулација на испит. Така ќе бидеш послободен и нема да имаш трема пред испитот.

За време на пауза можеш да се опуштиш со социјални мрежи или игри, но не заборавај да наместиш тајмер, затоа што лесно може да се случи пет минути пауза да се претворат во петнаесет.

Направи план
Мораш да имаш план и шаблон и да се држиш до тоа. Кога имаш план, се чувствуваш послободно и трошиш помалку време на непотребни размислувања.

Планот подразбира: Што ќе пријавам за оваа испитна сесија? Што и кога ќе учам, колку? Ќе си зададам рок до кога морам да го научам сето тоа. Ќе симулирам испит пред самиот испит.

Многу е важно секогаш да размислуваш позитивно, дека ќе положиш. Значи, додека учиш, замисли се себеси како да си веќе положил, како ќе се чувствуваш тогаш и со што ќе се наградиш. Кога ќе се наградиш, си го зголемуваш самодовербата. Ако се случи да паднеш, размислувај дека барем си започнал да учиш и дека за следната сесија ќе ти биде многу полесно. Потсети се кои прашања беа на испитот и реши ги дома, истиот ден кога ќе ги дознаеш резултатите.

За тешки испити (тешки предмети, а знаеме дека професорите знаат навистина да отежнат), најдобро е да закажеш приватен час. Професорот ќе те посоветува, ќе ти го „свари материјалот“ и ќе ти ги разјасни сите недоумици што ги имаш. На EasyPass.rs има професори по сите предмети, а на тебе е да го најдеш вистинскиот и да успееш. Не дозволувај да ти биде жал што не си почнал/а навреме.

Совладај сега или плачи подоцна.

Никогаш не заборавај – твоето здравје е поважно од било кој испит. Факултетот ќе го завршиш, така што немаш што да изгубиш.

И на крај, испитната сесија е завршена и ти ја помина без стрес и полн со самодоверба.