Кои се предностите на индивидуалната настава?

Утврдивме дека приватните часови се навистина потребни за што подобар резултат кога професорите не објаснуваат доволно добро, изоставуваат делови од материјалот или едноставно немаат време да му се посветат на секој ученик/студент. Во такви ситуации прибегнуваме кон алтернативни начини на учење и закажуваме часови за да ги постигнеме посакуваните резултати.

Платон и Аристотел рекле дека луѓето се разликуваат по природа и способности.

Затоа треба да се прилагоди учењето на способностите на поединецот.

Некои од главните предности на индивидуалната настава се:

Индивидуален пристап и целосно внимание
Сè има свои предности и маани, а една од најголемите предности на индивидуалната настава е тоа што сè се прилагодува на Вас и на Вашите потреби! Во група се гледа целината и е тешко да се усогласат поединци со различни способности.

Темпо и начин на работа
Го бирате темпото на работа во зависност од тоа со каква брзина учите без прилагодување на другите. Слободни сте да изберете области кои повеќе Ви одговараат или оние кои потешко се совладуваат самостојно.

Со индивидуалниот пристап имате слобода секогаш да побарате нешто да се повтори или дополнително да се објасни. Исто така изборот на материјали за учење можете да го приспособите зависно од тоа дали сте визуелен или аудио тип.

Флексибилност
Флексибилноста и усогласувањето на термините се голем плус. Потполна слобода во однос на фиксните термини и усогласување со останатите обврски бидејќи приватните часови можете да ги закажете и за време на викенд или во вечерни термини. Определете се за термини кога сте растеретени и имате концентрација.

Самодоверба и самостојност
Индивидуалните часови ќе Ви дадат самодоверба и нема споредување со другите како што е случај на групна настава. Ќе Ви овозможат мотивација и поддршка да го искористите Вашиот потенцијал. Осамостојте се во учењето и станете одговорни за Вашите резултати.

Вредна инвестиција
Цената на индивидуалниот час е обично повисока од групниот, но имајте предвид дека професорот се посветува само на Вас и дека можете да научите повеќе за еден час. Уште една предност на индивидуалниот пристап е интензивното учење без прекини, додека комуникацијата во групната настава одзема многу време.

Интензивно учење и следење на напредокот
Професорот ќе му посвети целото внимание на Вас, ќе одговара само на Вашите прашања и ќе го следи Вашиот напредок, па така секоја минута ќе биде повредна и ќе научите повеќе за пократко време.

Затоа, закажете час и уверете се колку можете да постигнете за еден час индивидуална настава.

Изберете да работите ефикасно, а не на потежок начин. #WorkSmarterNotHarder