Daniela J.

Subjects

About me

Здраво, јас сум Даниела, наставничка по германски јазик и магистранд на насоката за лингвистика (германски јазик) на Филолошкиот факултет „Блаже Конески“ во Скопје. Моето професионално искуство се состои, пред сѐ, од петгодишен ангажман како демонстратор на Филолошкиот факултет (УКИМ, Скопје) за стручните предмети од областа на германскиот јазик и на преведувањето. Освен тоа, веќе неколку години одржувам онлајн настава по германски како странски јазик за различни возрасни групи. Часовите по германски јазик ги конципирам и ги приспособувам според потребите на ученикот или на групата, во зависност од предзнаењето и од целите. Мојата настава ја сочинуваат стандардни и конверзациски курсеви од А1 до Б2 ниво, како и подготвителни часови за меѓународно признаените испити по германски јазик (Goethe, telc, DSD I/II, ÖSD). Меѓу другото, со оглед на гореспоменатиот ангажман, дел од наставата се и часовите за подготовка на стручни и факултетски предмети поврзани со германскиот и со македонскиот јазик (преведување, морфологија, синтакса и контрастивна анализа).